Jananayagam Movie Release Postponed Official Announcement 2026: பொங்கல் பண்டிகையை முன்னிட்டு நாளை (ஜனவரி 9) வெளியாகும் என்று பெரிதும் எதிர்பார்க்கப்பட்ட ‘ஜனநாயகம்’ திரைப்படம், தவிர்க்க முடியாத காரணங்களால் தள்ளிவைக்கப்படுவதாகப் படத் தயாரிப்பு நிறுவனம் அதிகாரப்பூர்வமாக அறிவித்துள்ளது.

டிக்கெட் புக்கிங் செய்துவிட்டுப் படத்தைப் பார்க்கக் காத்திருந்த ரசிகர்களுக்கு இந்த அறிவிப்பு பெரும் ஏமாற்றத்தை அளித்துள்ளது. படம் தள்ளிப்போனதற்கான முழுமையான காரணங்களையும், நீதிமன்றத்தில் நடந்த வாதங்களையும் இங்கே விரிவாகப் பார்ப்போம்.

ரிலீஸ் தேதியில்  மாற்றம்

பிரபல இயக்குநர் ஹெச்.வினோத் இயக்கத்தில், ராக்ஸ்டார் அனிருத் இசையில் பிரம்மாண்டமாக உருவாகியுள்ள திரைப்படம் ‘ஜனநாயகம்’ (Jananayagan). இப்படத்தில் பூஜா ஹெக்டே, மமிதா பைஜூ, பாபி தியோல், பிரகாஷ்ராஜ் உள்ளிட்டப் பலர் நடித்துள்ளனர்.

கேவிஎன் புரொடக்ஷன் (KVN Productions) தயாரித்துள்ள இப்படம் பொங்கல் ரேஸில் கலந்துகொண்டு நாளை திரையரங்குகளில் வெளியாகும் என அறிவிக்கப்பட்டிருந்தது. ஆனால், தற்போது படம் திட்டமிட்டபடி வெளியாகாது எனத் தெரிவிக்கப்பட்டுள்ளது.

படம் தள்ளிப்போக என்ன காரணம்?

படம் தள்ளிப்போனதற்கு முக்கியக் காரணமாகச் சொல்லப்படுவது சென்சார் போர்டு விவகாரம் தான்.

• படக்குழுவினர் கடந்த டிசம்பர் 19-ம் தேதியே படத்தைத் தணிக்கைக் குழுவிற்கு அனுப்பி வைத்தனர்.

• தணிக்கைக் குழு படத்தில் சில மாற்றங்களைச் செய்யச் சொல்லியதாகவும், அதன்படி மாற்றங்கள் செய்த பிறகும் படத்திற்குச் சான்றிதழ் (Certificate) வழங்கப்படவில்லை என்றும் கூறப்படுகிறது.

• படம் வெளியாவதற்கு ஒரு நாள் முன்பு வரை சான்றிதழ் கைக்கு வராததால், படக்குழு கடும் நெருக்கடிக்கு உள்ளானது.

நீதிமன்றத்தை நாடிய  ‘ஜனநாயகம்’ டீம்:

தணிக்கைச் சான்றிதழ் வழங்குவதில் தாமதம் ஏற்பட்டதால், தயாரிப்பு நிறுவனம் உடனடியாக சென்னை உயர்நீதிமன்றத்தை நாடியது. இந்த வழக்கு விசாரணையின் போது, “நாங்கள் டிசம்பர் மாதமே விண்ணப்பித்துவிட்டோம், ஆனால் இன்னும் சான்றிதழ் கிடைக்கவில்லை” என்று படக்குழு தரப்பில் வாதம் முன்வைக்கப்பட்டது.

இருதரப்பு வாதங்களையும் கேட்ட நீதிபதி, இந்த வழக்கின் தீர்ப்பை ஜனவரி 9-ம் தேதிக்கு (நாளை) ஒத்திவைத்தார். படம் ரிலீஸ் ஆக வேண்டிய அதே நாளில் தான் தீர்ப்பு வரும் என்பதால், அதற்குள் தியேட்டர்களுக்கு கன்டென்ட் (KDM) அனுப்புவது மற்றும் ரிலீஸ் செய்வது சாத்தியமில்லை என்பதால், வேறு வழியின்றி படம் தள்ளிவைக்கப்பட்டுள்ளது.

தயாரிப்பு நிறுவனத்தின் விளக்கம்

இது குறித்துத் தயாரிப்பு நிறுவனம் வெளியிட்டுள்ள அறிவிப்பில், “தவிர்க்க முடியாத காரணங்களினால் ஜனநாயகம் திரைப்படம் தள்ளிவைக்கப்படுகிறது. புதிய ரிலீஸ் தேதி விரைவில் அறிவிக்கப்படும்” என்று தெரிவித்துள்ளது.

பொங்கல் விடுமுறையில் வசூலில் சாதனை படைக்கும் என்று எதிர்பார்க்கப்பட்ட நிலையில், இப்படி ஒரு அறிவிப்பு வந்தது விநியோகஸ்தர்களுக்கும், தியேட்டர் உரிமையாளர்களுக்கும் வருத்தத்தை ஏற்படுத்தியுள்ளது.

படம் எப்போது வெளியாக வாய்ப்பு:

நீதிமன்றத் தீர்ப்பிற்குப் பிறகே படத்தின் புதிய ரிலீஸ் தேதி முடிவு செய்யப்படும் என்று தெரிகிறது. அனேகமாகப் பொங்கல் விடுமுறை முடிந்த பிறகு அல்லது குடியரசு தினத்தை (ஜனவரி 26) ஒட்டி படம் வெளியாக வாய்ப்புள்ளது.

ரசிகர்களே.. புதிய ரிலீஸ் தேதி அறிவிக்கப்படும் வரை காத்திருப்போம்!

இந்த அறிவிப்பு பற்றிய தகவல் நமது Whatsapp Group, Telegram Channelஇல் பகிரப்படும். நமது Whatsapp, Telegram குழுவில் இணைய